12 ноябрь куни Тошкентдаги ресторанлардан бирида таниқли актриса Ситора Фармонованинг тўйи бўлиб ўтди. Никоҳ кечасида актрисанинг бир ўзи, куёвсиз иштирок этди. Кечага ўзбек шоу-бизнесининг энг таниқли санъаткорлари, актёр, актриса ҳамда блогерлар ташриф буюрди.
Куёвнавкар маросимида ҳамда никоҳ оқшомида куёвнинг кўринмагани ижтимоий тармоқлар фойдаланувчиларининг эътиборини тортди. “Куёв қани?”, деган савол кўпчиликни қизиқтирди, аммо актриса ушбу саволни жавобсиз қолдиришни маъқул кўрди. Ситоранинг дугоналари эса аслида бу қизбазми эканлиги, яна бир тўй чет элда ўтказилишини ёзиб қолдирди.
40 ёшли Ситора Фармонованинг ўзи интервьюларидан бирида асли ўзбекистонлик, ҳозирда Дубайда яшайдиган Муҳаммад исмли инсонга турмушга чиққани ҳақида айтиб ўтди.
“Куёв ўзимнинг тенгдошим, унинг оиласи билан оилавий дўстмиз. Ўзбек миллатига мансуб, ҳеч қандай шайх эмас. Исми Муҳаммад, тўйни Дубайда ўтказишни режалаштиряпмиз”, деган эди актриса.
Изоҳ (0)