Instagram: Бобур Мансуров уйланди, Сардор Раҳимхоннинг онаси вафот этди, Баҳодир Жалолов ва Ситора Фармонованинг тўйи бўляптими?

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.

“Афандининг қизлари” ҳажвий жамоасидаги чиқишлари билан танилган актриса Нигина Жабборова онасини туғилган куни билан табриклади.

Дилноза Кубаева янги сурати изоҳига севимли шоири Усмон Азимнинг шеърини ёзиб қолдирди.

 

Жаҳонгир Отажонов бугунги кунда тобора кўпайиб бораётган психологлар ҳақидаги фикр билдирди. Хонанданинг айтишича, “Инсонга муаммоларини ҳал қилиш учун мия берилган. Муаммоларини ўзи ҳал қила олмайдиган инсонлар психолог билан бир неча дақиқа сўзлашиб ўтириш учун пул тўлайди. У ўша пайтда ўзини бир оз енгил ҳис этади. Бироқ бу енгиллик унинг ҳаётига навбатдаги муаммо келгунича давом этади”.

Барчин Ғофурова янги сериалда аввалги образларидан тубдан фарқ қиладиган ролни ижро этаётгани ҳақида сўзлаб берди. 

“Хулқ-атвор бу ҳар бир киши ўз ички оламини кўрсатадиган ойна” демоқда Ситора Фармонова. 

Таниқли боксчи Баҳодир Жалолов актриса Ситора Фармоновага уйланаётгани ҳақидаги миш-мишларга ойдинлик киритди.

Улуғбек Раҳматуллаев яқинда тақдимотини ўтказган қўшиғига клипи учун актёр ва актрисалар кастингини бошлади. 

 

Болливуд қироли Шоҳруҳ Хон таниқли футболчи Девид Бекҳэмни меҳмон қилди. Актёр у билан тушган пости изоҳига футболчининг самимий ва камтаринлиги таҳсинга сазовор эканлигини ёзиб қолдирган.

Гулсанам Мамазоитова 2004 йилда Германияда тушган суратини саҳифасига жойлади. Ушбу суратда яна бир нечта таниқли санъаткорларни ҳам кўриш мумкин.

Баҳора Арслонова қайнота-қайнонаси ҳамда турмуш ўртоғи билан тушган суратини саҳифасига жойлади. 

“Вақф” фондининг хайрия ишлари бўйича директори Сардор Раҳимхоннинг онаси вафот этди. Бу ҳақда ижтимоий тармоқларда хабар берилди. Собиқ санъаткорнинг онаси узоқ вақт давом этган касалликдан сўнг оламдан ўтган. 

20 ноябрь куни ижтимоий тармоқлардаги қизиқарли вайнлари орқали танилган актёр Бобур Мансуров уйланди. Тўй актёр туғилиб-ўсган Сирдарё вилояти Гулистон шаҳрида ўтказилди.

Никоҳ оқшомида ўзбек шоу-бизнесининг кўплаб таниқли вакиллари меҳмон бўлди.