Афтидан, бу йилги ёз қироллик оилалари учун омадли келди. 1 июнь куни Иордания валиаҳд шаҳзодаси Ҳусайн ва Саудия арабистонлик тадбиркорнинг қизи Ражванинг ажойиб тўйи бўлиб ўтди, маросимга 3 мингга яқин меҳмон таклиф қилинди. Бундан бир неча кун олдин қироллик оиласида яна бир тўй бўлди — бу сафар Бирлашган Араб Амирликларида.
Шу йилнинг март ойида ижтимоий тармоқларда Бирлашган Араб Амирликлари бош вазири ва Дубай ҳукмдори шайх Муҳаммад ибн Рашиднинг қизи шайха Мара турмушга чиқаётгани ҳақида хабар тарқалган эди. Араб дунёсидаги шундай нуфузли шахснинг қизига, шубҳасиз, кўпчилик орзуманд эди. Ва ниҳоят Мара шайх ва тадбиркор Мана ал-Мактумни танлади.
Йигит Бирлашган Араб Амирликлари Қуролли кучларида хизмат қилган, кейин эса хавфсизлик ва бизнесдаги хатарларни бошқариш бўйича мутахассисликка эга бўлган. Эгаллаган билимлари унга ММ компаниялар гуруҳига, шунингдек, Бирлашган Араб Амирликларидаги бошқа кўплаб компанияларга эгалик қилувчи йирик тадбиркор бўлишга имкон берди. Маълум бўлишича, тадбиркор йигит футбол, чанғи, от минишни яхши кўради ва фалсафа ҳамда дунё бўйлаб саёҳат қилишдан илҳом олади.
Ёшларнинг тўйи оилаларининг мавқейига мос равишда ҳашаматли тарзда ўтди. Келин қўл меҳнати билан тикилган каштали, мунчоқ ва паетлар билан безатилган араб бренди — Ezra Couture либосини кийди. Қизнинг ўнг қўлида катта олмосли унаштирув узуги, чап қўлида эса гардиши бўйлаб бриллиант териб чиқилган яна бир билан узук бор эди. Шайха тақинчоқларини нафис билагузук ва сиферблати тошлар билан безатилган соат билан якунлаган.
Тўйнинг асосий ранги оқ бўлиб, келиннинг либоси ва тўйхонани безаб турган декорация ҳам шу рангда қилинган. Шундай қилиб, столлар оқ ва оч пушти атиргуллар, пион ва шамлар билан безатилган, тадбир учун зал оқ ва қаймоқ ранглар билан, оқ атиргуллар билан безатилган. Гуллар билан безатилган, бир неча метрга тенг бўлган оппоқ торт алоҳида эътиборга лойиқдир.
Изоҳ (0)