Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.
Ўзбекистон халқ артисти Юлдуз Усмонова тўйхонада жажжи мухлислари билан биргаликда қўшиқ айтиб рақсга тушаётгани акс этган видео санъаткорнинг саҳифасига жойланди.
Хонанда Шаҳзода Туркиянинг Бодрум шаҳрида кичик ўғли Халид билан ҳордиқ чиқармоқда.
Актриса Зарина Йўлдошева негатив эмоциялардан озод бўлиш учун ўзига хос эктримни синаб кўрди. У саҳифасига баланд қоя устидан пастга сакраётгани акс этган видеони жойлади.
Актриса Гулруҳ Пирназарова эса мухлисларига Индонезиянинг Бали оролидан кўриниш берди.
Хонанда Каниза “Ўзбекконцерт” давлат муассасасининг ҳамма санъаткорларга бирдек муносабат қилмаслигидан нолиди. Унинг айтишича, ижтимоий тармоқларда сўкинган, ҳақоратомуз изоҳ ёзган интернет фойдаланувчиларини жавобгарликка тортиш тўғрисидаги қонун амалда ишламаяпти. Ички ишлар ходимлари ҳамда “Ўзбекконцерт” хонандаларнинг манфаатини ҳимоя қилмаяпти.
Хонанда Улуғбек Раҳматуллаев кузатувчиларига янги сурати билан кўриниш берди.
Шоҳжаҳон Жўраев Ўзбекистон халқ артисти Ёдгор Саъдиев неварасининг тўйида хизматда бўлди.
Актриса Шаҳло Зоирова Истанбул шаҳрида жойлашган клиникалардан бирида тўртинчи фарзандини дунёга келтирди.
Блогер Liil Xurramov кузатувчиларини хато қилишдан қўрқмасликка чорлади.
Ситора Фармонова “Альфонс” сериалида ҳомиладор аёл образини ижро этмоқда.
Изоҳ (0)