Андижон тумани ҳокимлиги “қора-мат” рангли Captiva 5T Premler автомобилини харид қилди. Бу давлат харидлари портали маълумотларида келтирилган.
Шартнома 19 июнь куни тузилган бўлиб, автомобилнинг нархи 335 млн сўмни ташкил этади.
_page-0001.jpg)
Автомобилни сотиб олишга туман ҳокимининг 13 июндаги қарори асос қилиб олинган.
Қарорда маблағ туман бюджетининг захира жамғармаси маблағлари ҳисобига сотиб олиниши белгиланган. Бироқ нима мақсадда сотиб олиниш зарурлиги ҳақида маълумот келтирилмаган.
“Дарё” мухбири ўрганиш давомида ушбу қарор Адлия вазирлигининг “Э-қарор” ягона электрон тизими платформасида яшириб қўйилгани, шунингдек, ХДФУ (хизмат доирасида фойдаланиш учун) ёзувининг мавжудлигини аниқлади.
_page-0001.jpg)
Шунингдек, ушбу ҳужжат мазмунида шахсга доир маълумотлар, васийлик ва ҳомийлик ёки амалдаги қонунчиликка мувофиқ бошқа турдаги фойдаланиши чекланган ахборот мавжудлиги кўрсатиб ўтилган бўлса-да, қарор матни “Шахсга доир маълумотлар тўғрисида”ги қонунга мос келмаслигини кўриш мумкин.
Қизиқ жиҳати, янги автомобиль харид қилишга маблағ ажратган ҳокимликнинг 68 та ижро ҳужжатлари бўйича жами 6 миллиард 680 миллион 575 минг сўм қарздорлиги мавжудлиги ва айримлари бир неча йиллардан буён тўланмай келаётгани, мулклари тақиққа аниқланган.
Ҳокимлик нега янги автомобиль харидига оид қарорни яшириб қўйди?
Маблағ ажратишга оид қарорни яшириб қўйиш қонунчиликка зид эмасми?
Қарор қабул қилинганига тўрт ойдан ортиқ вақт ўтган бўлса-да, адлия органлари нега ушбу қарорни эътиборсиз қолдирмоқда?
“Дарё” шу ва мавзуга оид бошқа саволларга масъуллардан муносабат кутиб қолади.
Изоҳ (0)