Коррупцияга қарши курашиш агентлиги томонидан жорий йилнинг июнь—июль ойларида жами 11 млрд сўмлик давлат харидларида қонунбузилиши ҳолатлари аниқланди.
Жумладан, қуйидаги давлат харидларида манфаатлар тўқнашувига йўл қўйилган:
- Ўзйўлкўприк кластерининг Жиззах филиали давлат муассасаси — 2,9 млрд сўмлик;
- Шаҳрисабз шаҳар 20-сон болалар мусиқа ва санъат мактаби — 885,9 млн сўмлик;
- Наманган давлат ўрмон хўжалиги — 605 млн сўмлик;
- Тошкент тумани тиббиёт бирлашмаси — 551,9 млн сўмлик;
- Ички ишлар вазирлиги қошидаги “Қурилиш таъмирлаш гуруҳи” ДУК — 520 млн сўмлик;
- Термиз тумани сув етказиб бериш хизмати давлат муассасаси — 500 млн сўмлик;
- Тошкент кимё-технология институти Янгиер филиали — 407 млн сўмлик;
- Қумқўрғон туман Ободонлаштириш бошқармаси — 275,5 млн сўмлик;
- Сариосиё туман йўллардан фойдаланиш унитар корхонаси — 200 млн сўмлик;
- Республика Ўлат карантин ва ўта хавфли юқумли касалликлар муҳофазаси маркази Қашқадарё филиали — 190 млн сўмлик;
- Андижон илмий-тажриба станцияси давлат муассасаси — 169,1 млн сўмлик;
- Нарпай тумани ободонлаштириш бошқармаси — 82 млн сўмлик;
- Олтинсой тумани Мактабгача ва мактаб таълими бўлими — 76,5 млн сўмлик давлат харидларида.
Шунингдек, “Оқолтин дон маҳсулотлари” АЖнинг 3 млрд сўмлик, Тошкент вилояти Оҳангарон шаҳар касб-ҳунар мактабининг 403 млн сўмлик давлат харидларида Ўзбекистон Республикаси “Давлат харидлари тўғрисида”ги қонуннинг талабларига зид равишда баҳолаш жараёнида қонунбузилиши ҳолатларига йўл қўйилган.
Бундан ташқари, Наманган касб-ҳунарга ўқитиш марказининг 269 млн сўмлик давлат харидида қонунчилик талабларига зид равишда ўзаро аффилланган шахслар иштирок этганлиги аниқланди.
Агентлик тақдимномаларига асосан харид комиссияларининг ғолибни аниқлаш ҳақидаги баённомалари бекор қилиниши таъминланди, шу тариқа қайд этилган давлат харидлари ноқонуний ўтказилишининг олди олинди.
Қайд этилган қонунбузилиши ҳолатларига оид тўпланган ҳужжатлар қонуний чора кўриш учун ҳуқуқни муҳофаза қилувчи органларга юборилди.
Изоҳ (0)