Ижтимоий тармоқларда Поп туманида 9-синф ўқувчиси пахта юкланган “прицеп”дан йиқилиши оқибатида ҳалок бўлгани айтилган хабарлар тарқалди. Ҳолат юзасидан Болалар омбудсмани матбуот хизмати “Дарё”га маълумот берди.
Маълум қилинишича, Болалар омбудсмани ушбу ҳолатни ўрганмоқда.
Аниқланишича, 3 ноябрь куни 2003 йилда туғилган А.А. (эркак) трактор ва унга уланган тиркамани зовур бўйидан ўтувчи ички йўлда бошқариб кетаётганда, тракторга уланган боғловчи тортқич узилиб кетиши оқибатида тиркама зовурга йиқилган.
Натижада 2009 йилда туғилган Т.П. (ўғил бола) жароҳат олиш натижасида вафот этган.
Ҳолат юзасидан Наманган вилояти ИИБ ТБ томонидан ЖКнинг 266-моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилди.
Ҳозирда тергов ҳаракатлари олиб борилмоқда.
Изоҳ (0)