Кичик бизнес ва хусусий тадбиркорлик иқтисодиётни ривожлантириш, аҳоли бандлиги ва даромадларини оширишда муҳим омилдир. Таъкидлаш керакки, иқтисодиёти жадал ривожланаётган кўплаб давлатларда иш ўринларининг 70-80 фоизи шу соҳа вакиллари томонидан яратилмоқда. Барча нуфузли компаниялар тарихи ҳам айнан кичик ва ўрта бизнесдан бошланган.
Жорий йилнинг август ойида Шавкат Мирзиёевнинг мамлакатимиз тадбиркорлари билан очиқ мулоқот шаклида ўтказилган учрашувида ҳам давлатимиз раҳбари “кичик бизнес – бу маҳаллага, туманга янги муҳит олиб кирадиган, одамларимизга шиж́оат берадиган катта кучдир”, деб таъкидладилар.
Шунингдек, мамлакатда кичик ҳамда ўрта бизнесни ривожлантириш орқали бир йил ичида камида 150 мингта кичик бизнес субъектини “оёққа турғизиш”, камида 25 мингтасини ўрта корхоналарга айлантириш, соҳада 250 мингта янги доимий иш ўрни яратиш мақсад қилинганини билдириб ўтгандилар.
Табиийки, бу жараёнда тижорат банкларининг ўрни катта ҳисобланади. Ана шундай саъй-харакатлар давоми сифатида “Микрокредитбанк” акциядорлик тижорат банки IFAD кредит линиялари ҳисобидан кичик бизнес субъектлари, жумладан деҳқон ва фермер хўжаликлари, қишлоқ хўжалиги соҳасида фаолият юритаётган ёки юритиш истагида бўлган ёш тадбиркорларга кредитлар таклиф қилади.
Ушбу имтиёздан Андижон, Фарғона ҳамда Наманган вилоятларидаги тадбиркорлар фойдаланиши мумкин. Тадбиркорлар қишлоқ хўжалиги соҳасидаги исталган (пахта ва буғдой етиштиришдан ташқари) агробизнес йўналишидаги инвестиция лойиҳалари ва айланма маблағлари учун миллий ва/ёки хорижий валюта (АҚШ доллари)да кредитлар олиши мумкин.
Ушбу кредит линияси лойиҳа қийматидан келиб чиқиб, 350 минг АҚШ доллари эквивалентидан ошмаган миқдорда ажратилмоқда. Хусусан, фермер ва қишлоқ хўжалиги корхоналари 10 минг АҚШ долларидан 350 минг АҚШ доллари ва/ёки сўм эквивалентигача, ушбу йўналишда фаолиятини бошламоқчи бўлган ёшлар эса 5 минг АҚШ долларидан 100 минг АҚШ доллари ва/ёки сўм эквивалентигача кредитлар олиши мумкин.
Бу ҳали ҳаммаси эмас, тадбиркорлар ўз бизнесини фаол тарзда ривожлантириб олиши учун банк томонидан олти ойлик, икки ҳамда уч йиллик имтиёзли давр билан ўн йил муддатгача кредитлардан фойдаланиши мумкин.
Ушбу кредит линияси ҳақида батафсил маълумотларни mkbank.uz сайти орқали олишингиз мумкин.
Веб-сайт | МАВРИД | Instagram | YouTube |
Call-марказ: 1285
Реклама ҳуқуқи асосида.
Изоҳ (0)