Қишлоқ хўжалиги вазирлиги матбуот хизмати 2024 йилги чигитни оммавий экиш бошланиши бўйича тавсиялар берди.
Маълум қилинишича, чигитни оммавий экишни бошлаш учун агрометеорологик кўрсаткичлар қуйидагилар билан белгиланади:
- ўртача кунлик ҳаво ҳарорати доимий равишда 12-13 градусдан ўтганда;
- тупроқнинг 0-10 см чуқурликдаги ўртача ҳарорати тукли чигитлар учун 11-13 градус, туксиз чигитлар учун 14-15 градус бўлганда;
- экиш чуқурлигидаги (0-5 см тупроқ қатламидаги) унумдор намлик захиралари 5 мм ва ундан кўп бўлганда.
1-14 март кунигача ҳаво ҳарорати ўртача республиканинг чигит экиладиган ҳудудларининг катта қисмида 4-9 градусни, Қорақалпоғистонда 2 градусни ташкил этди. Чигит экиш учун мўлжалланган далаларда 8 мартда унумдор намликнинг захираси 0-5 см тупроқ қатламида республикани пахта экиладиган ҳудудларида 6-13 мм ни ташкил этди.
Тез-тез ёғингарчилик (ёмғир, қор) паст ҳароратли фон тупроқнинг сезиларли исишига ёрдам бермади.
Апрель ойида кутилаётган об-ҳаво шароитидан келиб чиққан ҳолда, қуйидаги муддатларда чигитни очиқ майдонга оммавий равишда экишни бошлаш тавсия этилади:
- Сурхондарё вилоятида – 24-29 март;
- Қашқадарё вилоятида – 28-30 март;
- Бухоро, Навоий вилоятларида – 31 март – 1 апрель;
- Андижон вилоятида – 1-2 апрель;
- Фарғона, Наманган вилоятларида – 2-3 апрель;
- Жиззах, Сирдарё, Тошкент вилоятларида – 4-6 апрель;
- Самарқанд вилоятида – 5-7 апрель;
- Қорақалпоғистон Республикасида – 6-8 апрель, жанубий туманларида – 4-6 апрель;
- Хоразм вилоятида – 5-7 апрель.
Изоҳ (0)