Дарябай Кайпов 24 октябрь куни Қорақалпоғистон Республикаси қишлоқ хўжалиги вазири лавозимига тайинланди. Бу ҳақда Қорақалпоғистон Жўқорғи Кенгеси матбуот хизмати хабар берди.
Тайинловга қадар у Қорақалпоғистон Республикаси Вазирлар Кенгаши раисининг қишлоқ ва сув масалалари бўйича ўринбосари эди. Ушбу лавозимни Шуҳрат Тешаев эгаллади. Бунгача у Ўзбекистон фермер, деҳқон хўжаликлари ва томорқа ер эгалари кенгаши раисининг биринчи ўринбосари лавозимида ишлаб келаётганди.
Шуҳрат Тешаев 1969 йил Бухоро вилоятида туғилган. 1993 йилда Тошкент давлат аграр университетини тамомлаган. У меҳнат фаолияти давомида “Пахта” илмий-ишлаб чиқариш бирлашмаси бош директори, қишлоқ ва сув хўжалиги вазирининг агротехнология масалалари бўйича биринчи ўринбосари сифатида ишлаган.
2014—2016 йилларда Ўзбекистон қишлоқ ва сув хўжалиги вазири бўлган. 2016—2018 йилларда қишлоқ ва сув хўжалиги вазири ўринбосари — Қишлоқ хўжалиги илмий-ишлаб чиқариш маркази бош директори, 2018—2019 йилларда Фарғона вилояти ҳокимининг қишлоқ ва сув хўжалиги масалалари бўйича ўринбосари лавозимида хизмат қилган. 2019 йил 26 февралдан 2022 йил сентябригача Ўзбекистон қишлоқ хўжалиги вазирининг биринчи ўринбосари сифатида ишлади.
Изоҳ (0)