Ўзбекистонда 2024 йилнинг январь—сентябрь ойларида 149 789 та ташкилот 18,7 трлн сўм миқдорида солиқ имтиёзларидан фойдаланган. Бу ҳақда Солиқ қўмитаси матбуот хизмати хабар берди.
Шу билан бирга, 3 032 та корхона молиявий хизматлар бўйича 14,6 трлн сўмлик ҚҚСсиз операцияларни амалга оширган.
Бундан ташқари, 7 477 та корхона 25,5 трлн сўм миқдорида ҚҚС “ноль” ставкасини қўллаган.
Солиқ турлари кесимида фойдаланилган солиқ имтиёзи суммалари:
- ҚҚС – 8,9 трлн сўм;
- фойда солиғи – 3,7 трлн сўм;
- ер солиғи – 2,1 трлн сўм;
- ижтимоий солиқ – 2 трлн сўм;
- ЖШОДС – 861,1 млрд сўм;
- мол-мулк солиғи – 814,9 млрд сўм;
- АОС – 166,2 млрд сўм;
- сув ресурсларидан фойдаланганлик учун солиқ – 20 млрд сўм.
Аввалроқ Ўзбекистонда 2024 йилнинг январь—сентябрь ойларида 18 585 та ўрта тадбиркорлик субъекти томонидан 18,6 трлн сўмдан ортиқ солиқ тўлангани ҳақида хабар берилганди.
Изоҳ (0)