Ўзбекистонда 2024 йилнинг январь—сентябрь ойларида 18 585 та ўрта тадбиркорлик субъекти томонидан 18,6 трлн сўмдан ортиқ солиқ тўланган. Бу ҳақда Солиқ қўмитаси матбуот хизмати хабар берди.
Маълум қилинишича, шундан 391,7 млрд сўми 20 та корхона ҳисобига тўғри келади.
Уларнинг жами товар айланмаси 1,5 трлн сўмдан зиёд, қўллаган солиқ имтиёзлари 27,7 млрд сўмни ташкил этган.
Ушбу корхоналар томонидан таъминланган тушумлар солиқ турлари кесимида:
- ҚҚС — 136,7 млрд сўм;
- фойда солиғи — 92,2 млрд сўм;
- акциз солиғи — 87,7 млрд сўм;
- ЖШОДС — 37,5 млрд сўм;
- ижтимоий солиқ — 20,9 млрд сўм;
- бошқа солиқлар — 16,8 млрд сўм.
Аввалроқ, Ўзбекистонда электрон хизматлар кўрсатувчи 61 та хорижий компания томонидан 2024 йилнинг январь—сентябрь ойларида 101,9 млрд сўм солиқ тўлангани ҳақида хабар берилган эди.
Изоҳ (0)