Delivery Unit офиси томонидан “Маълумотларни бошқаришнинг миллий тизими тўғрисида”ги қонун концепцияси лойиҳаси ишлаб чиқилди. Бу ҳақда Стратегик ислоҳотлар агентлиги хабар бермоқда.
Айтилишича, қонун қабул қилиниши натижасида миллий маълумотлар экотизими яратади, шунингдек, 21 турдаги маълумотларни ишончли далилларга асосланган қарорлар қабул қилишга имкон беради.
“Маълумотларни бошқаришнинг миллий тизими тўғрисида”ги қонун концепцияси лойиҳасида қуйидагилар кўзда тутилмоқда:
- “Бир марта йиғиш”, мониторинг қилиш, ўзаро текшириш тамойилларга асосан Маълумотлар электрон каталогини яратиш;
- “Шахсга доир маълумотлар тўғрисида”ги қонунга мувофиқ маълумотларни хавфсизлиги ва ҳимоясини таъминлаш;
- халқаро статистик фаолият таснифига асосланган ҳолда маълумотларни тегишли гуруҳларга (классификаторларга) тақсимлаш;
- маълумотлардан фойдаланишда даражаларни белгилаш (вазирлик ва идоралар масъул вакиллари ваколатидан келиб чиқиб);
- маълумотлар яхлитлигини сақлаш, хавфсиз маълумотлар алмашинувини таъминлаш ва ҳукумат бўйлаб маълумотлардан самарали фойдаланиш мақсадида ҳар бир вазирлик ва идораларда маълумотлар бўйича бош мутахассисни (Chief Datа Officeр) ва маълумотлар сақловчиси (Data Steward)лардан иборат қўшимча штат ўрнини ташкил этиш;
- маълумотлардан фойдаланиш (оралиқ учун маълумотлар, postante ва exante сиёсатни баҳолаш) ва маълумотларни аниқлаш (турлар, тузилиш, бошқариш);
- техник регламентлар (давлат идентификатори, маълумотларни хариталаш, юридик талаблар, маълумотлар алмашинуви, ўрни ва жавобгарлиги, маълумотлар каталоги, G2G хизматлари, очиқ маълумотлар);
- маълумотлар таҳлили ва қарор қабул қилиш имкониятларини яхшилаш учун сунъий интеллект ҳамда таҳлил воситалари.
Мазкур лойиҳани ишлаб чиқиш жараёнида Ўзбекистон “Мамлакат платформаси” доирасида латвиялик экспертлар Гатис Озолс ва Эвита Чешка жалб этилган.
Изоҳ (0)