Сенат ялпи мажлисида Олий Мажлиснинг Инсон ҳуқуқлари бўйича вакили Феруза Эшматованинг ҳисоботи муҳокама қилинди.
Таъкидланишича, 2022 йилда омбудсман номига Ўзбекистон фуқаролари ва фуқаролиги бўлмаган шахслардан, чет эл фуқароларидан ва хорижий давлатлар омбудсманларидан, шунингдек, ҳаракатланиш эркинлиги чекланган шахслар сақланадиган жойларда сақланаётган шахслардан, уларнинг яқин қариндошлари ва ҳимоячиларидан (адвокатлардан) жами 17761 та мурожаат келиб тушиб, 2021 йилга нисбатан 977 тага ёки 5,2 фоизга камайган.
Омбудсманга юборилган такрорий мурожаатлар сонини кескин камайтириш бўйича кўрилган чоралар натижасида такрорий мурожаатларнинг сони 2022 йилда 2021 йилга нисбатан 734 тага ёки 15,8 фоизга камайди. Фуқаролардан келиб тушган мурожаатлар вилоятлар кесимида таҳлил қилинганда, энг кўп мурожаатлар Қашқадарё, Тошкент шаҳри, Сурхондарё ва Тошкент вилоятидан, энг кам мурожаатлар эса Сирдарё, Қорақалпоғистон Республикаси ва Андижон вилоятидан келиб тушган.
Омбудсман сўровига асосан ваколатли давлат органлари масъул ходимлари ҳаракатларида қонун бузилиши ҳолатлари аниқланиб, 3 нафар масъул ходим эгаллаб турган лавозимидан озод этилган, 22 нафар масъулга ҳайфсан интизомий жазо чораси қўлланилган, 6 нафар масъулга ўртача ойлик иш ҳақининг 30,0 фоизи миқдорида жарима интизомий жазоси қўлланилган, 3 нафар масъул ходим ўз ишига совуққонлик билан ёндашганлиги учун маъмурий жавобгарликка тортилган.
2022 йилда фуқароларнинг мурожаатлари асосида ундирилган ҳамда ундириши белгиланган маблағлар 2 миллиард 372 миллион сўмни ташкил этди. Шундан 45,4 миллион сўмдан ортиқ алимент тўловлари, 505,9 миллион сўми фуқароларнинг иш ҳақи ва меҳнат муносабатлари билан боғлиқ тўловлар ҳисобланади.
Изоҳ (2)
омбудсман текширгани келиб 500 &пора олиб шикоятни епиб кетганини хам курдик удар хам пора олдими деганмиз
assalomu-alaykum daryoni muntazam uqib boraman, ohirgi dasturiy yangilishdan keyin Daryo ilovasi yahshi ishlamayabdi