Хитойнинг давлат секторида чет элга чиқиш чекловлари кенгайтирилди. Эндиликда маҳаллий ҳокимият ходимлари ва мактаб ўқитувчиларидан ҳам хорижга чиқиш паспортларини топшириш талаб этилмоқда. Бу ҳақда Тhе Financial Times хабар берди.
Сўнгги марта давлат хизматчилари ва давлат компаниялари ходимларидан паспортларни топшириш 2020 йилда коронавирус пандемиясига қарши кураш чоралари доирасида талаб қилинганди. 2023 йилда ковидга оид чекловлар бекор қилинганидан сўнг, Таълим бюроси ўқитувчиларнинг чет элга чиқиш шартларини қаттиқлаштиришни бошлади.
Халқаро саёҳатларга қўйилган чекловлар, хусусан, мактаб, университет ва маҳаллий ҳокимият органлари ходимларига татбиқ этилмоқда. Венчжоу округининг Оухай райони таълим бюроси томонидан эълон қилинган кўрсатмаларга кўра, ўқитувчиларнинг хорижга сафарлари, одатда, йилига 20 кундан ошмаган бир марталик ташриф билан чекланади.
Шу билан бирга, хорижга кетаётган педагоглар тақиқланган “Фалунгун” диний ҳаракати ёки бошқа “душман хорижий кучлар” билан алоқада бўлмаслиги шарт.
Изоҳ (0)