Delivery Unit ofisi tomonidan “Ma’lumotlarni boshqarishning milliy tizimi to‘g‘risida”gi qonun konsepsiyasi loyihasi ishlab chiqildi. Bu haqda Strategik islohotlar agentligi xabar bermoqda.
Aytilishicha, qonun qabul qilinishi natijasida milliy ma’lumotlar ekotizimi yaratadi, shuningdek, 21 turdagi ma’lumotlarni ishonchli dalillarga asoslangan qarorlar qabul qilishga imkon beradi.
“Ma’lumotlarni boshqarishning milliy tizimi to‘g‘risida”gi qonun konsepsiyasi loyihasida quyidagilar ko‘zda tutilmoqda:
- “Bir marta yig‘ish”, monitoring qilish, o‘zaro tekshirish tamoyillarga asosan Ma’lumotlar elektron katalogini yaratish;
- “Shaxsga doir ma’lumotlar to‘g‘risida”gi qonunga muvofiq ma’lumotlarni xavfsizligi va himoyasini ta’minlash;
- xalqaro statistik faoliyat tasnifiga asoslangan holda ma’lumotlarni tegishli guruhlarga (klassifikatorlarga) taqsimlash;
- ma’lumotlardan foydalanishda darajalarni belgilash (vazirlik va idoralar mas’ul vakillari vakolatidan kelib chiqib);
- ma’lumotlar yaxlitligini saqlash, xavfsiz ma’lumotlar almashinuvini ta’minlash va hukumat bo‘ylab ma’lumotlardan samarali foydalanish maqsadida har bir vazirlik va idoralarda ma’lumotlar bo‘yicha bosh mutaxassisni (Chief Data Officer) va ma’lumotlar saqlovchisi (Data Steward)lardan iborat qo‘shimcha shtat o‘rnini tashkil etish;
- ma’lumotlardan foydalanish (oraliq uchun ma’lumotlar, postante va exante siyosatni baholash) va ma’lumotlarni aniqlash (turlar, tuzilish, boshqarish);
- texnik reglamentlar (davlat identifikatori, ma’lumotlarni xaritalash, yuridik talablar, ma’lumotlar almashinuvi, o‘rni va javobgarligi, ma’lumotlar katalogi, G2G xizmatlari, ochiq ma’lumotlar);
- ma’lumotlar tahlili va qaror qabul qilish imkoniyatlarini yaxshilash uchun sun’iy intellekt hamda tahlil vositalari.
Mazkur loyihani ishlab chiqish jarayonida O‘zbekiston “Mamlakat platformasi” doirasida latviyalik ekspertlar Gatis Ozols va Evita Cheshka jalb etilgan.
Izoh (0)