“Манчестер Сити” ва “Манчестер Юнайтед” жамоалари Англия Суперкубоги—2024 да тўқнаш келади.
Учрашув 10 август куни “Уэмбли” стадионида бўлиб ўтади.
“Шаҳарликлар” Англия Премьер Лигасининг 2023/24 йилги мавсум ғолиби сифатида иштирок этса, “қизил иблислар” Англия Кубоги соҳиби сифатида финалда ўйнайди. “Манчестер Юнайтед” айнан Англия Кубоги финалида айнан “Сити”ни мағлуб этганди.
“Манчестер Сити” ўз тарихида Англия Суперкубогини 6 марта, сўнгги бор 2019 йилда қўлга киритган. Қайд этиб ўтиш жоиз, Пеп Гвардиола жамоаси сўнгги 3 та Англия Суперкубогида мағлубиятга учрамоқда.
“Манчестер Юнайтед” эса мамлакат Суперкубогини қўлга киритиш бўйича рекордчи (21). Манкунианликлар сўнгги бор 2016 йилда шоҳсупага кўтарилган.
Ўтган йили Англия Суперкубогида “Арсенал” ва “Манчестер Сити” ўзаро тўқнаш келган ва пенальтилар сериясида лондонликларнинг қўли баланд келганди.
Изоҳ (0)