Камерун ҳукумати мамлакатни 1982 йилдан бери бошқариб келаётган 91 ёшли президент Пол Биянинг соғлиғи ёмонлашиши мумкинлиги ҳақидаги миш-мишларни рад этди.
Қайд этилишича, сўнгги ҳафталарда маҳаллий оммавий ахборот воситалари сиёсатчининг жамоат жойларида узоқ вақт йўқлигини муҳокама қила бошлаган. Бия сентябрь ойи бошида Пекинга қилган сафаридан бери омма олдида кўринмагани ва ўтган ҳафта Францияга режалаштирилган саёҳатини амалга оширмагани хабар қилинган.
Камерун ҳукуматининг маълум қилишича, президент ҳозирда шахсий ташриф билан Женевада ва ўзини яхши ҳис қилмоқда. Шунингдек, мамлакат ички ишлар вазири Пол Атанга Нджи президентнинг соғлиғини муҳокама қилишни миллий хавфсизлик масаласи деб атаган ва “ОАВда президентнинг аҳволи ҳақида ҳар қандай мунозаралар олиб бориш қатъиян ман этилганини” айтган.
Губернаторларга нашрларни назорат қилувчи бўлимлар тузиш топширилган ва “қоидабузарлар”га жавоб чоралари билан таҳдид қилинган.
2022 йилда Британия қироличаси Елизавета II вафотидан кейин Бия дунёдаги энг кекса давлат раҳбарига айланди.
Изоҳ (0)