Камерун футбол федерацияси (Fecafoot) душанба куни маҳаллий чемпионатнинг плей-офф босқичига йўлланма олган футболчилар рўйхатини эълон қилди.
Ушбу рўйхатдан 62 нафар футболчи ўрин олмаган.
Sky Sport Italia нашрининг хабар беришича, улар ёши ҳақидаги маълумотларни сохталаштирганликда айбланмоқда. Айнан шу сабаб улар мусобақалардан четлатилган.
Футболдан четлатилганлар орасида 17 ёшли Уилфрид Натан Дуала ҳам бор. Футболчи AFCON мусобақасига чақирилган энг ёш ўйинчи сифатида эътироф этилган эди, аммо Франциянинг Le Monde газетаси ўтказилган текширувдан сўнг унинг ёши ва шахсига шубҳа билан қараганди. Уларнинг таъкидлашича, у илгари Камерун Лигасида Александр Барделли номи билан ўйнаган ва мусобақа пайтида камида 23 ёшда бўлган. Дуала AFCОN мусобақасида иштирок этмади. Le Monde нашри Федарациядан тушунтириш талаб қилган, бироқ улар ўша пайтда изоҳ беришдан бош тортишган.
Дисквалификация туфайли жами 15 та клуб футболчиларидан айрилди. Клублардан бирининг 13 нафар ўйинчиси четлатилган. Уилфрид Натан Дуала ўйнаётган “Виктория Юнайтед” етти нафар вакилидан айрилди.
Сешанба куни бўлиб ўтган матбуот анжуманида Fecafoot бош котиби Блез Жоунанг бу “вақтинчалик вазият” эканлигини айтди ва вазиятни ўзгартириши мумкин бўлган сўровлар бўлаётганини таъкидлади.
Изоҳ (0)