Кийиниш борасида ўзига хос дидга эга бўлган биринчи хонимлар. Уларнинг сири нимада? (фото)

Турмуш ўртоғининг сиёсат билан шуғулланиши қуйидаги биринчи хонимларнинг модага бўлган ихлосини қайтара олмайди, аксинча тадбир ва расмий учрашувлар баҳонасида қанчалик дид ва услубга эга эканликларини намоён қилиш имконини беради.

Мелания Трамп

АҚШнинг амалдаги президенти рафиқаси Меланиянинг келиб чиқиши словениялик. Собиқ фотомодель Дональд билан 1999 йилда у раҳбарлик қилган Allure журналига суратга тушиш вақтида танишган.

Орадан 5 йил ўтиб эса улар турмуш қурган. Турмуш ўртоғидан 24 ёш кичик бўлган Мелания оила қурганида 34 ёш бўлган.

Брижит Макрон

Франциянинг амалдаги президенти Эммануэль Макрон рафиқаси Брижит Озердан 24 ёш кичик. Эммануэль ўзининг 40 ёшли француз тили ўқитувчисини ёқтиришини билган ота-онаси уларнинг муносабатларига қаршилик қилган ва уларни ажратиш учун ўғлини Парижга жўнатган.

Бу вақтда Макрон ва Брижитнинг муносабатлари мактублардаги ёзишмалар орқали давом этган. Муносабатлар 2007 йилда никоҳ билан мустаҳкамланган. Орадан ўн йил ўтиб эса Макрон Франция президенти этиб сайланган.

Меҳрибон Алиева

Озарбайжон президенти Илҳом Алиевнинг рафиқаси Меҳрибон Алиева тиббиёт университетини қизил диплом билан битирган ва талабалик даврида бўлажак президентга турмушга чиққан.

Аввалига Москвада кўз касалликлари илмий-тадқиқот институтида ишлаган Меҳрибон кейинчалик хайрия ишлари билан шуғулланган. Ҳозирги вақтда у БМТ ва ЮНЕСКОнинг кўнгилли элчиси ва мамлакатдаги кийиниш борасидаги энг дидли аёл ҳисобланади.

Анхелика Ривера

Мексиканинг 2012-2018 йиллардаги президенти Энрике Пена Нетонинг собиқ рафиқаси Мексика сериалларининг юлдузи ҳисобланади. У 2010 йилда Энрике билан турмуш қурган ва орадан икки йил ўтиб турмуш ўртоғи президент бўлган.

Ҳар иккисининг ҳам аввалги турмушидан умумий 6 фарзанди бўлган ва жуфтлик 2019 йилда муносабатларига нуқта қўйган.

Агате Корнхаузер-Дуда

Польша президенти Анжей Дуданинг рафиқаси немис тили ўқитувчиси бўлган. Аммо турмуш ўртоғига сайловолди жараёнларда ёрдам бериш учун лицейдаги фаолиятини тугатган.

Улар мактаб даврида битирув кечасида танишиб қолган.

Шанталь Бийя

Камерун президенти Поль Бийянинг рафиқаси кийиниш борасида бошқаларга ўхшамаганлиги билан ажралиб туради.

Унинг кийиниш услуби бошқаларга тушунарсиз ва ғарб ОАВ учун ҳамиша мавзу эканига қарамай, ўз мамлакати аҳолиси учун мода борасида илҳом олса бўладиган аёллардан ҳисобланади. Турмуш ўртоғидан деярли 40 ёш кичик бўлган Шанталь хайрия ишлари ва халқаро ташрифларга ҳам вақт ажратади.