Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола қиламиз.
Ўзбекистон халқ артисти Юлдуз Усмонова Ватан ҳақидаги янги қўшиғига ишланаётган клипда ҳарбий образида кўриниш беради.
Жалолиддин Аҳмадалиевнинг фан-аккаунтига унинг беш йил аввалги, уйларни таъмирлашда ишлаган пайтидаги сурати жойлаштирилди. Ушбу суратдан икки йил ўтиб, Жалолиддин бир нечта қўшиқлари билан мухлислар эътиборини қозонди.
Ойдин Юсупова энг катта орзуларидан бири — парашютда учиш режасини амалга оширгани ҳақида сўзлаб берди.
Актриса Диана Ягофарова ўғли билан тушган суратини саҳифасига жойлади.
Таниқли футболчи Девид Бекҳем Голливуд актрисаси Энн Ҳетеуэй билан футбол мусобақасини томоша қилгани акс этган сурати билан бўлишди.
Хонанда Шаҳзода саҳифасига илк марта отасининг суратини жойлаштирди ва уни туғилган куни билан табриклади.
Актриса Гулруҳ Пирназарова пахта майдонидан кўриниш берди.
Хонанда Афрузанинг 25 сентябрь куни бўлиб ўтадиган никоҳ кечаси муносабати билан берилган ошда кўплаб санъаткорлар кўриниш берди.
Раққоса Муҳаббат Қурбонова саҳифасига янги суратини жойлаштирди.
Хонанда Жаҳонгир Позилжонов жиянининг тўйида ўзбек шоу-бизнесининг кўплаб таниқли вакиллари хизматда бўлишди.
Изоҳ (0)