Britaniyalik sobiq futbolchi va futbol tarixidagi eng mashhur shaxslardan biri Devid Bekhem rafiqasi Viktoriya Bekhem bilan Mayami Bichda yangi uy xarid qilmoqchi. Hashamatli hovli 78,5 million dollarga baholangan.
Yangi uy Mayami shahrining North Bay Road deb nomlanuvchi elita rayonida joylashgan. Bu hududda Mett Deymon va Jennifer Lopes kabi yulduzlar yashaydi.
Uyning derazalar Kaliforniya ko‘rfaziga qaraydi. Xonadon to‘qqizta yotoqxona, to‘rtta hammom, oshpazlar uchun oshxona, shaxsiy kinoteatr, sport zali, spa-salon va basseyndan iborat.
Manbalarga ko‘ra, Bekhem o‘ziga tegishli bo‘lgan “Inter Mayami” futbol klubiga yaqinroq bo‘lish istagidan kelib chiqib, ushbu ko‘chmas mulkni xarid qilish bo‘yicha sotuvchilar bilan muzokaralar olib bormoqda. Mashhurlar e’tiborini tortgan hashamatli uy o‘zining go‘zalligi va qulay joylashuvi bilan ajralib turadi.
Bekhemlar oilasi hozirda yashaydigan uyini 2013-yilda 28 million dollarga xarid qilgan. Ular butun dunyo bo‘ylab bir nechta ko‘chmas mulklarga ega, jumladan, AQSH, Buyuk Britaniya, Fransiya, BAA va Yevropa davlatlarida turar joylari bor.
Devid va Viktoriya 1997-yilda tanishgan. Oradan bir yil o‘tmay ular unashtirilganini e’lon qiladi va 1999-yil 4-iyulda oila quradi. Mashhurlarning Bruklin, Kruz va Romeo ismli o‘g‘illari, Harper ismli qiz farzandi bor.
Izoh (0)