“Ўзга сайёралик”, “Ваъда бериш — уйланиш дегани эмас”, “Чарли фаришталари” фильмларидаги образлари билан Голливудда машҳур бўлган актриса Дрю Блайт Бэрримор Ҳемптондаги уйини сотувга қўйди. Бу ҳақда “Корреспондент.net” хабар бермоқда.
Фото: YouTube
Хонадон 8,45 миллион долларга баҳоланмоқда. Улкан ва ҳашаматли уй 1920 йилларда қурилган бўлиб, қайтадан реконструкция қилинган.
49 ёшли актриса кўчмас мулкни 2019 йилда 5,5 миллион долларга сотиб олган ва капитал таъмирдан ўтказган. Унинг уйи ям-яшил дарахтлар, боғлар ва соҳилга яқин ҳудудда жойлашган.
Хонадонда 7 та ётоқхона ва 7 та ваннахона бор. Бундан ташқари, меҳмонлар тунаб қолиши учун алоҳида хоналар ва дам олиш зоналари ҳам мавжуд. Уй интерьерида оч ва ёрқин ранглардан фойдаланилган. Хоналарга қуёш нури яхши етиб келиши учун панорама ойналар билан ишланган. Шунингдек, Дрю хонадонидан медиа хона, театр, омборхона ва ҳовлида улкан ҳовуз ўрин олган.
Изоҳ (0)