Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола қиламиз.
Юлдуз Турдиева иккинчи ўғли Сирожни туғилган куни билан қандай табриклашганини кузатувчиларига кўрсатди.
Дилноза Кубаева 2008 йилда тақдим этилган “Телба” бадиий фильми суратга олиш жараёни акс этган сурат билан бўлишди.
Зарина Низомиддинова фарзандлари билан тушган суратини саҳифасига жойлади.
Шаҳло Зоирова қизи Шайдо билан қанчалик бир-бирига ўхшаши акс этган сурат билан бўлишди.
Гулчеҳра Эшонқулова эса инсон ҳавас билан бахтга эришиши ҳақида ёзиб қолдирди.
Хонанда Жасур Умиров Қашқадарё вилояти Ғузор туманидаги стадионда бўлиб ўтган концерт чоғида ноқулай вазиятга тушиб қолди ҳамда ижтимоий тармоқлар фойдаланувчиларининг муҳокамаларига сабаб бўлди. Гап шундаки, хонанда стадионда куйлаётганида мухлисаларидан бири у билан селфи тушиш учун ёнига келган, шу пайт Жасур қизнинг елкасига қўлини ташлаб, суратга тушмоқчи бўлган. Қиз эса хонандага жавобан унинг қўлини итариб ташлаган. Ижтимоий тармоқлар фойдаланувчиларидан айримлари Жасур адашиб бундай ҳаракат қилганлигини ёзса, бошқалари эса у билан селфи тушмоқчи бўлган қизни айбламоқда.
Марям Тиллаева бувиси Татьяна Каримовани туғилган куни билан табриклаб, унга аталган илиқ тилакларини ёзиб қолдирди. “Ўз онам мендан юз ўгирган бир пайтда мени ўз қизингиздек бағрингизга олганингиз учун раҳмат. Бежизга сизни болалигимиздан буви эмас, она деб чақирмаймиз. Сизни жонимдан ҳам ортиқ яхши кўраман”, деб ёзади Марям.
Шунингдек, Марям кузатувчилари учун ўзбек тилида видео тайёрлади.
Таниқли телебошловчи Музаффарбек Мирзабеков 28 август куни туғилган кунини нишонламоқда. Бундан ташқари, у айнан шу санада қизини турмушга узатмоқда.
Изоҳ (0)