Дэвид Бекҳэм футбол тарихи афсонаси, “Манчестер Юнайтед”, “Реал Мадрид”, “Пари Сен-Жермен” футбол клублари ва Англия терма жамоаси юлдузидир. Спортчининг бойлиги 450 миллион долларга баҳоланган (2022 йил ҳолатига кўра). Унинг номи билан парфюмерия, кийим-кечак ва аксессуарлар савдосидан ҳар куни деярли 60 минг доллар даромад келади.
Бекҳэмлар оиласи бутун дунё бўйлаб кўчмас мулкка эга: АҚШ, Буюк Британия, Франция, БАА ва Европа давлатларида турар жойлари бор. Бугун Дэвид Бекҳэмнинг фермерлик уйи — Англиянинг жануби-ғарбий қисмида жойлашган Коцулдс қишлоғидаги хонадон суратларини ҳавола этамиз.
Девид ва Викториянинг ушбу ҳашаматли уйида футбол майдони, спа, биллиард хонаси, кутубхона, катта ҳовуз ва иккита улкан ошхона мавжуд.
Уйнинг декорацияси ва мебеллар ранги версаль ва кантри услубида ишланган бўлиб, интерер сокинлик берадиган тўқ яшил, кулранг ва жигарранг мебеллар билан безатилган.
Биргина меҳмонхонадаги диваннинг нархи 12 минг доллар, стулларнинг донаси эса 3 минг доллардан.
Иккита ошхонадан ташқари уйнинг бир қисмида алоҳида барбекю зонаси ҳам мавжуд.
Изоҳ (0)