Isroil armiyasining G‘azo sektoridagi masjidga havo hujumi uyushtirishi oqibatida 21 kishi halok bo‘ldi. Bu haqda BBC xabar berdi.
Isroil mudofaa kuchlari Dayr al-Balah hududidagi masjidga hujumni tasdiqlagan. Ular bu masjidda HAMAS qo‘mondonlik-nazorat posti faoliyat yuritganini da’vo qilgan. Armiya obyektga “aniq zarba” berilganini bildirgan.
Aviahujum Zuvaydadagi Ibn Rushd maktabiga qilingan hujum bilan bir vaqtda sodir bo‘lgan. Bu maktabda ham qochqinlar boshpana topgan. Ammo Isroil u yerda HAMAS jangchilari bo‘lganini ta’kidlagan.
Al-Mayadeen telekanaliga ko‘ra, so‘nggi bir necha soat ichida Isroil G‘azo shimoliga 60 dan ortiq havo hujumi uyushtirgan, oqibatda 30 kishi halok bo‘lgan, 150 ga yaqin kishi jarohatlangan yoki bedarak yo‘qolgan. Isroilning G‘azo sektoriga hujumi oqibatida umumiy qurbonlar soni 41 870 kishidan oshgan.
Izoh (0)