Мадриднинг “Реал” клуби ҳужумчиси Килиан Мбаппе “Мальорка”га қарши Испания чемпионатининг 1-тур учрашувидаги дурангдан сўнг ижтимоий тармоқдаги саҳифасида ўйин ҳақида фикр билдирди.
“Яхши натижа эмас. Кейинги ўйинларга бор эътиборимизни қаратамиз ва эҳтиёткор бўламиз”, деб ёзди франциялик ҳужумчи Килиан Мбаппе.
Ушбу баҳс Мбаппе учун Испания чемпионатидаги дебют ўйин бўлди. Бунгача форвард УЕФА Суперкубоги учрашувида “Аталанта”га қарши майдонга тушиб гол урган эди.
Аввалроқ ОАВда франциялик ҳужумчининг маоши йилига 30 миллион евро ва урилган голлар учун бонуслар бўлиши ҳақида маълумотлар пайдо бўлган эди.
Палма-де-Мальоркадаги “Мальорка Сон Моих” стадионида бўлиб ўтган учрашув 1:1 ҳисобида якунланди. Мадридликлар сафида Родриго гол муаллифига айланди.
Изоҳ (0)