Франциялик футболчи Килиан Мбаппе “ПСЖ”ни тарк этишга қарор қилди.
Журналист Абделла Булманинг маълум қилишича, Мбаппе ҳали раҳбариятга ўзининг қарорини айтмаган бўлса-да, кейинги мавсум клубда қолмайди.
Килиан ҳамон “Реал” билан келишувга эришмаган, бироқ у Флорентино Перес билан алоқаларни ушлаб турибди. Мадрид клуби “ПСЖ”дан “яшил чироқ”ни кутмоқда. Парижликлар ҳам футболчининг кетишига тайёр.
Мбаппе жорий мавсум Франция чемпионатида 17 та ўйинда қатнашиб, 19 та гол ва 3 та голли узатмага муаллифлик қилди.
Изоҳ (0)