“Реал Мадрид” юлдузи Килиан Мбаппе болаликдаги орзусини амалга ошириб, Европада футбол клубининг энг ёш эгаларидан бирига айланади. Бу ҳақда Euronews хабар бермоқда.
Маҳаллий ОАВ хабарига кўра, 25 ёшли футболчи Франциянинг “Кан” клуби акцияларининг катта қисмини сотиб олиш учун тахминан 20 миллион евро тўлайди, қолган қисми эса кузатув кенгаши раиси Пьер-Антуан Каптонга тегишли.
Маълумотларга кўра, томонлар ўртасидаги музокаралар бир неча ҳафтадан бери давом этмоқда ва тез орада якунланиши керак.
Келишув натижасида “Реал Мадрид” юлдузи ўтган мавсумда Франция иккинчи дивизионида олтинчи ўринни эгаллаган ва аввалги асосий акциядор — Америка инвестиция фонди Оактри ўрнини эгаллаган клубнинг 80% акцияларига эга бўлади.
Килиан Мбаппе фаолиятининг бошида “Кан” болалар жамоасида ўйнаган, аммо бюрократик тўсиқлар сабаб клуб академиясига кира олмаган.
Маълумот учун, Франциялик футболчи “Реал Мадрид” клуби билан 5 йиллик шартнома имзолади. 30 миллион евро маош олувчи футболчи 9-рақамда ўйнайди.
Изоҳ (0)