Тель-Авивдаги АҚШ элчихонаси яқинида 19 июлга ўтар кечаси камикадзе дрони портлади. Бу ҳақда The Jerusalem Post хабар берди.
Ҳодиса Шалом Алехем ва Бен-Иэгуда кўчаларида содир бўлган. Портлаш Исроил марказидаги кўплаб ҳудудларга эшитилган. Бир киши ҳалок бўлган, 7 киши яраланган. Исроил армиясига кўра, портлаш ҳаво нишонининг қулаши билан боғлиқ, аммо ҳужум ҳақида огоҳлантирувчи сигнал бўлмаган. Яҳудий давлати ҳолат юзасидан ҳаво ҳудудини патруллик қилишни кучайтирган.
Яманнинг “Ансар Аллоҳ” (ҳусийлар) ҳаракати “Тель-Авивга қаратилган ҳарбий операция” учун жавобгарликни ўз зиммасига олган. Ҳаракат матбуот котиби Яҳё Сари Тель-Авивга қилган биринчи муваффақиятли ҳужумни тасдиқлаган. Аммо дроннинг қайси томондан учиб келгани ҳозирча аниқ маълум эмас.
Изоҳ (0)