Ўзбекистоннинг Исроилдаги элчиси Феруза Маҳмудова мазкур мамлакатдаги миссиясини якунламоқда. Бу ҳақда “Дунё” агентлиги хабар берди.
.jpg)
Қайд этилишича, Исроил ташқи ишлар вазири Эли Коэн билан учрашувда икки томонлама ҳамкорликнинг жорий кун тартиби муҳокама қилинган. Вазир Исроил томони Ўзбекистон билан фаол ривожланиб бораётган ҳамкорликни юксак қадрлашини таъкидлаган.
Мулқот якунида Эли Коэн Феруза Маҳмудовага Ўзбекистоннинг Исроилдаги элчиси лавозимида амалга оширган юксак фаолияти учун миннатдорлик билдириб, келгусидаги дипломатик фаолиятида муваффақиятлар тилган.
Феруза Маҳмудова 2020 йилнинг 19 июнь куни Сенат томонидан Ўзбекистоннинг Исроил давлатидаги фавқулодда ва мухтор элчиси лавозимига тайинланган эди.
Феруза Маҳмудова 1975 йилда Тошкент шаҳрида туғилган. 1996 йилда Жаҳон иқтисодиёти ва дипломатия университетининг халқаро муносабатлар факультетини тамомлаган. 2009 йилда Tübingen университетида гуманитар фанлар бўйича магистр даражасини олган.
1996—2006 йилларда у Ўзбекистон Ташқи ишлар вазирлиги марказий аппаратида ишлаган, олий даражадаги ташрифларни ташкил этишда иштирок этган. 2014—2018 йилларда эса Ўзбекистон президенти ҳузуридаги Стратегик ва минтақалараро тадқиқотлар институтида, 2018—2020 йилларда Ташқи ишлар вазирлигининг икки томонлама ҳамкорлик бош бошқармаси бошлиғи лавозимида фаолият кўрсатган.
Бир неча кун олдин Дилшод Ахатов Ўзбекистоннинг Германиядаги элчиси этиб тайинлангани тўғрисида хабар берилганди.
Изоҳ (0)