19 июнь куни Олий Мажлис Сенати бешинчи ялпи мажлисида Ўзбекистоннинг Исроил давлатига фавқулодда ва мухтор элчиси лавозимига тайинлаш тўғрисидаги масала кўриб чиқилди.
Сенаторлар Феруза Маҳмудовани Ўзбекистоннинг Исроилдаги фавқулодда ва мухтор элчиси лавозимига тайинлаш тўғрисида қарор қабул қилди.
Парламент юқори палатаси раиси Танзила Норбоева шу кунга қадар Ўзбекистонда 130 дан зиёд хорижий давлатлар билан дипломатик алоқалар ўрнатган бўлса, уларда ҳали бирорта аёл элчи тайинланмаганини таъкидлаган.
«Феруза Йўлдошевна мустақил Ўзбекистоннинг биринчи аёл элчиси сифатида тарихда қолади. Бу шараф бўлиши билан бирга, улкан масъулият ҳамдир. Қолаверса, унинг бундай масъулиятли лавозимга лойиқ топилгани мамлакатимизда аёлларга бўлган юксак ишонч ва эътироф намунасидир. Ишонамизки, бундай эътибор ва эътирофга бундан кейин ҳам кўп маротаба гувоҳ бўламиз. Зеро, ўзбек аёллари бунга муносибдир», — деган Сенат раиси.
Изоҳ: Ушбу хабарнинг дастлабки таҳрири «Ўзбекистонда биринчи бор аёл киши элчи этиб тайинланди» деган сарлавҳа билан эълон қилинган эди. Лекин бу таъкид хато — Феруза Маҳмудова Ўзбекистон тарихидаги илк аёл элчи эмас.
Мавзуга доир:
- Зулайҳо Маҳкамова Тўрақўрғон туманига ҳоким этиб тайинланди. У Ўзбекистондаги бешинчи аёл ҳоким бўлди
- Мақсуда Мустафоева Қарши тумани ҳокими этиб тайинланди
- Андижоннинг Бўстон туманига Садбархон Мамитова ҳоким бўлди. У Жалақудуққа 12 йил ҳокимлик қилган аёлнинг шогирди ҳисобланади
- Наргиза Неъматова Олот туманига ҳоким бўлди. У сўнгги 10 кунда ҳоким этиб тайинланган иккинчи аёл бўлди
- Боёвут туманига аёл киши ҳоким этиб тайинланди
Изоҳ (0)