Жаҳонгир Аминов Ўзбекистоннинг Исроилдаги янги элчиси сифатида иш бошлайди. Бу ҳақда Исроилнинг мамлакатдаги элчиси Зеҳавит Бен-Ҳиллел ўзининг Twitter’даги саҳифаси орқали маълум қилди.
“Ўзбекистоннинг янги элчиси этиб тайинланаётган Жаҳонгир Аминовга омад тилаймиз”, — деб ёзади у.
2019 йилда Жаҳонгир Аминов ТИВ Ташқи иқтисодий ҳамкорлик бош бошқармасининг Хорижий инвестициялар ва молиявий-техник кўмаклашишга қаратилган маблағларни жалб этиш бошқармаси бошлиғи этиб тайинланганди.
Аввалроқ Ўзбекистоннинг Исроилдаги элчиси Феруза Маҳмудова мазкур мамлакатдаги миссиясини якунлаётгани тўғрисида хабар берилганди. У 2020 йилнинг 19 июнь куни Сенат томонидан Ўзбекистоннинг Исроил давлатидаги фавқулодда ва мухтор элчиси лавозимига тайинланган эди.
Изоҳ (0)