Ўзбекистонлик футболчи Аббосбек Файзуллаев Мюнхеннинг “Бавария” клуби назарига тушди.
Бу ҳақида агент Антон Смирновнинг сўзларига таяниб, хабар бермоқда “Ўзбекская кухня” блоги.
“Аббосбек U-23 терма жамоасида ўйнаб юрган вақтларидаёқ мюнхенликларнинг эътиборига тушганди. Ҳозирда эса немис скаутлари унинг ўйинини кузатмоқда”, — дейди Смирнов.
Ўзбекистонда 2023 йилнинг энг яхши футболчиси деб топилган Аббосбек Файзуллаев жорий мавсум РПЛда 13 та ўйин ўтказиб, 2 та гол ва 6 та голли узатмага муаллифлик қилди.
Ўзбекистон терма жамоаси билан биргаликда Осиё Кубогининг чорак финалига қадар етиб борди.
Изоҳ (0)