Исроил ҳарбий ҳаракатларга сарфлаш учун АҚШдан 8,7 миллиард долларлик ёрдам пакетини олади. Бу ҳақда Исроил мудофаа вазирлиги матбуот хизмати маълум қилди.
“Исроил Мудофаа вазирлиги бош директори Эяль Замир давом этаётган ҳарбий саъй-ҳаракатларни қўллаб-қувватлаш учун АҚШнинг 8,7 миллиард долларлик муҳим ёрдам пакети бўйича музокараларни якунлади”, дейилади баёнотда.
Аниқлик киритилишича, ёрдам пакети асосий ҳарбий харидлар учун 3,5 миллиард доллар ва ҳаво ҳужумидан мудофаа тизимлари, шунингдек, илғор лазер тизими учун 5,2 миллиард долларни ўз ичига олади.
Аввалроқ Исроил мудофаа армияси Ливаннинг “Ҳизбуллоҳ” гуруҳига қарши қуруқликдан операцияга тайёрланаётгани хабар берилганди.
Исроил бош вазири Биньямин Нетаньяху Ливан билан чегарадош ҳудудлардан эвакуация қилинган ўн минглаб исроилликлар ўз уйларига қайтиши мумкинлигини айтди.
Изоҳ (0)