Исроил армияси Ливаннинг жанубий ҳудудларига берган зарбаси чоғида “Ҳизбуллоҳ”нинг юқори мартабали қўмондонларидан бири Муҳаммад Носирни йўқ қилди. Бу ҳақда Reuters хабар берди.
Марҳум Ливаннинг жануби-ғарбий қисмидан Исроилни ўққа тутган бўлинма қўмондони бўлган. У “Ҳизбуллоҳ”нинг чегарадаги айрим операциялари учун масъул бўлган. Муҳаммад Носир июнь ойида Исроил ҳужумида ҳалок бўлган олий қўмондон Талеб Абдулла билан бир хил даража ва аҳамиятга эга эди.
Исроил ҳарбийлари ўз баёнотида Носир ва Абдулла “Ҳизбуллоҳ”нинг Ливан жанубидаги энг кўзга кўринган жангчиларидан бири бўлганини” таъкидлаган. “Ҳизбуллоҳ”нинг юқори лавозимли сиёсатчиси Ҳасан Фадлалланинг айтишича, Носир нишонга олинишини билган, аммо тўққиз ой давомида жанг майдонини тарк этмаган.
Изоҳ (0)