“Рома” бош директори Лина Сулуку жамоа бош мураббийи Даниэле Де Россининг ишдан бўшатилиши ортидан мухлисларнинг ғазаби туфайли истеъфога чиқди. Бу ҳақда ESPN хабар бермоқда.
Биз Линага клуб учун муҳим даврда фидокорона хизмати учун миннатдорчилик билдирамиз ва унга келгуси фаолиятида омад тилаймиз, — деб ёзади Италия клуби матбуот хизмати.
Манбага кўра, аввалроқ клуб машғулот майдонида Лина Сулукуга таҳдидлар ёзилган баннер пайдо бўлган.
Маълумот учун, 41 ёшли мутахассис 2024 йилнинг 16 январида португалиялик мураббий Жозе Моуриньо ўрнига “Рома” бош мураббийи лавозимини эгаллаган эди. Де Россининг жамоа билан шартномаси 2027 йилнинг ёзига қадар тузилганди.
Изоҳ (0)