АПЛ. Бир киши кам бўлиб ўйнаган “Арсенал” “Брайтон”га қарши дуранг қайд этди

Футбол бўйича Англия Премьер Лигасининг 3-тури доирасида “Арсенал” 31 август, шанба куни “Брайтон”га қарши баҳс олиб борди.

Учрашувнинг 38-дақиқасида Кай Ҳаверц ҳисобни очди. Биринчи бўлим лондонликларнинг кичик устунлиги билан якунланди.

Иккинчи бўлим бошида “канонирлар” футболчиси Деклан Райс қизил карточка олиб, майдонни тарк этди. 58-дақиқада эса Педро ҳисобни тенглаштирди.

Қолган дақиқаларда дарвозалар ишғол этилмади ва учрашув 1:1 ҳисобида дуранг натижа билан якунланди.

“Брайтон” ушбу дурангдан сўнг 7 очко билан мусобақа жадвали етакчиси бўлиб турибди, “Арсенал” эса худди шунча очко билан 2-поғонага кўтарилди. Бу ўринлар кун якунига қадар ўзгариши мумкин. 

АПЛ

3-тур

31 август, шанба

“Арсенал” — “Брайтон” 1:1

Голлар: 1:0 – 38 Ҳаверц, 1:1 – 58 Жоао Педро.

“Арсенал”: Райя, Тимбер (Зинченко, 80), Габриэль, Салиба, Уайт, Райс, Парти, Эдегор (Мартинелли, 74), Ҳаверц, Троссард (Калафори, 59), Сака.

“Брайтон”: Вербрюгген, Данк, ван Хекке, Велтман (Эступинъян, 72), Хиншелвуд, Балеба, Милнер (Айяри, 17), Митома (Аденгра, 85), Жоао Педро, Минте (Рюттер, 72), Уэлбек (Энсисо, 85).

Огоҳлантиришлар: Райс (42), Хюрселер (43), Парти (45+3), Минте (70), Тимбер (70), Жоао Педро (90+6), Райя (90+4).

Четлатиш: Райс (49).