Турк сериалларининг ҳаммаси бирдек сифатли эмас. Юзлаб сериаллар орасида муқаррар равишда қизиқ бўлмаганлари ва ёмон кастинг туфайли бузилганлари бор. Агар тарихий лойиҳалар ўз брендини сақлаб қолишга ҳаракат қилса, замонавий ҳаёт ҳақидаги сериалларда ҳамма нарса анча мураккаброқ. Мазкур фильмлар “Муҳташам юз йил” фильмидан қолишмайди, гарчи воқеалар XXI асрда содир бўлса ҳам.
“Психотерапевт” (2021)
Ҳар бир эпизоди алоҳида ҳикоя бўлган минисериал. Психотерапевт Четин ва
шафқатсиз жиноятда гумон қилинган беш киши ёпиқ хонада учрашади. Четин ҳақиқатни аниқлаши керак, аммо бу уддалаш қийин бўлган иш.
“Сўнгги ёз” (2021)
Селим Кара исмли прокурор ҳақидаги мелодраматик триллер. Саккиз йил аввал у жиноят олами етакчисини панжара ортига қамаб қўйганди. Бироқ мафиозлар тўдаси озодликда қолади. Жиноятчи ўз қўл остидагиларни тутиб беришни таклиф қилади, аммо бунинг эвазига Селим унинг ўғлининг хавфсизлигини таъминлаши керак.
“50 квадрат метр” (2021)
Соя лақабли бандит ҳақидаги жиноий драма. У катта жиноятчига ишлайди ва узоқ ўтмишда ота-онасини ким ўлдирганини билишни мақсад қилади. Вазият ривожланиб борар экан, фожиада хўжайинининг қўли борлиги маълум бўлади.
“Бутунлай бошқача” (2023)
Ҳанде Эрчел иштирокидаги жанговар детектив ҳикоя. Лейла — шафқатсиз қотилликни тергов қилаётган прокурор. Телебошловчи Кенан унга ёрдам беришга ҳаракат қилади. Аммо тез орада у ҳам қандайдир сирни яшираётгани маълум бўлади.
“Шахсият” (2018)
Огаҳ — ёлғиз ўзи яшайдиган нафақахўр, у Альцгеймер касаллигидан азият чекади. Касаллик унинг хотираларини йўқ қилиб бормоқда. Бир томондан, бу қўрқинчли. Бошқа томондан, Огаҳнинг эски орзуси — қонунни бузиш имкониятини беради.
“Чуқур” (2017)
Кўчавалилар оиласи Истанбулнинг энг хавфли ҳудудида яшайди. Улар атрофдаги тартибсизликларни бошқаришга одатланган. Бироқ рақобатчилар бу кучли сулоладан қутулишга ҳаракат қилишади. Қарама-қарши томонлар ўртасида тўқнашувлар бошланади. Ямач Кўчавали эса қаллиғи билан уйига қайтади — энди у ўзини ва севгилисини ҳимоя қилиши керак, гарчи у аллақачон жиноят оламидан чиқиб кетган бўлса ҳам.
“Оила” (2023)
Ҳулия — ўз шаҳридаги энг қудратли аёл. У мафия кланини бошқаради. Аёл оиласи ҳақида, айниқса, “бизнес”ининг меросхўри ўғли Аслан ҳақида жуда қайғуради. Бироқ йигит оиласининг ёрдамисиз яшашни хоҳлайди.
Изоҳ (0)