“Реал Мадрид” ва Германия терма жамоаси ярим ҳимоячиси Тони Кроос 2024 йилги Европа чемпионатидан сўнг фаолиятини якунлайди. Бу ҳақда журналист Флориан Плеттенберг Х (собиқ Twitter) ижтимоий тармоғидаги саҳифасида хабар берди.
Эслатиб ўтамиз, германиялик футболчи 2014 йилдан буён “қироллик клуби” сафида тўп суради. Бу даврда у барча мусобақаларда 463 та учрашувда қатнашган (28 гол ва 98 голли узатма). Аввалроқ футболчи “Бавария” ва “Байер” клубларида ҳам ўйнаган.
34 ёшли Кроос жорий мавсумда барча турнирларда 45 та ўйинда майдонга тушиб, 1 та гол ва 8 та голли узатмага муаллифлик қилган. Transfermarkt порталида берилган маълумотларга кўра, футболчининг бозор қиймати 12 миллион еврони ташкил қилади.
Эслатиб ўтамиз, 2024 йилги Европа чемпионати Германияда бўлиб ўтади. Турнир 14 июндан 14 июлга қадар давом этади.
Изоҳ (0)