Украина президенти Владимир Зеленский ҳукуматга кредиторлар билан реструктуризация борасида келишувга эришиш учун ташқи қарз бўйича тўловларни 1 октябргача тўхтатиб туриш ҳуқуқини берувчи қонунни имзолади, дея хабар берди Олий Рада сайтидаги маълумотлар базаси.
Украина Молия вазирлиги маълумотларига кўра, июнь ойи охирида мамлакатнинг давлат қарзи 152,16 миллиард долларни ташкил қилган.
Қонун ташқи қарзлар бўйича тўловларга мораторий жорий этиш ҳуқуқидан ташқари, ҳукуматга автомобиль йўллари давлат агентлигининг қарзларини қайта тузишга ҳам рухсат беради. Украинанинг Суспилне нашри аниқлик киритишича, гап 2021 йил учун умумий суммаси 700 миллион доллар бўлган еврооблигациялар серияси ҳақида бормоқда.
Ҳарбий ҳаракатлар бошланганидан кейин хусусий кредиторлар Украинага давлат қарзи бўйича тўловларни тўхтатишга рухсат берди. Музлатиш муддати 1 августда тугайди.
Июль ойида Украина бош вазири Денис Шмигал бир гуруҳ облигациялар эгалари билан қарийб 20 миллиард долларлик қарзни қайта тузиш бўйича келишувга эришганини эълон қилди.
Куни кеча Fitch халқаро рейтинг агентлиги Украинанинг узоқ муддатли эмитент дефолт рейтингини “CC”дан (дефолтнинг юқори эҳтимоли) “C” даражага (дефолт муқаррар) туширган эди.
Изоҳ (0)