Disney компанияси “Валл-И”га ўхшаш ҳиссиёт билан рақсга тушувчи роботни тақдим этди (видео)

Disney муҳандислари “Валл-И” мультфильмининг бош қаҳрамонига ўхшаш икки оёқли робот яратди. Ихтиронинг видеоси жамоанинг YouTube каналига жойланди.

Робот юриши, рақсга тушиши ва мувозанатни сақлаши мумкин. У бу ҳаракатларни ҳис-туйғуларни ифодалаш билан амалга оширишга қодир. Қурилма атрофдаги инсонларнинг ҳаракатига ҳам реакция билдиради.

Disney муҳандислари ушбу андроиднинг яратилишини кинокомпания учун муҳим технологик ютуқ деб атади. Android турли ҳаракатларни бажаришга ўргатилади ва буни ўз хусусиятларини ҳисобга олган ҳолда амалга оширади.

“Одатда, анимация воситаларида физика мавжуд эмас. Шу сабабли, рассомлар учун ҳақиқий дунёда ишлай оладиган анимация яратиш қийин”, — дея жамоа муҳандисларидан бирининг сўзларини келтиради Daily Mail.

Янги Android Disney’га ўз мультфильмлари учун робот қаҳрамонларини тезроқ, йиллар эмас, балки ойлар ичида яратишга имкон беради.