Хоразм вилояти Боғот туманида табиий газдан 650 миллион сўм қарзи бор тадбиркор иссиқхонаси тармоқдан ўчирилганидан шикоят қилди. Бу ҳақда “Ҳудудгазтаъминот” АЖ ахборот хизмати хабар берди.
Хабарга кўра, юқори турувчи органларга Хоразм вилоятида иссиқхона фаолияти билан шуғулланувчи айрим тадбиркорлар томонидан табиий газ етказиб берилмаётгани ва тармоқдан узиб қўйилгани ҳақида мурожаат бўлмоқда. Хусусан, Ф.Махмудова “Редитус” МЧЖга қарашли иссиқхонанинг 2023 йил 1 ноябрь куни ҳолатига кўра табиий газдан 650 миллион сўм қарздорлиги мавжуд бўлса-да, тармоқдан ажратилганидан норози бўлиб асоссиз равишда мурожаат қилган.
Боғот туманлараро иқтисодий судининг қарорига кўра, “Редитус” МЧЖдан “Ҳудудгазтаъминот” фойдасига табиий газ ҳақини ундириш ҳақидаги ижро ҳужжатлари мавжуд бўлиб, қарздорга тегишли мол-мулклар хатланган ва ҳозирда ижро ҳаракатлари олиб борилмоқда.
Маълум қилинишича, Хоразм вилоятида табиий газ билан таъминланадиган 179 та иссиқхона мавжуд. Мазкур иссиқхоналарнинг 100 таси бўйича 22.11.2023 йил ҳолатига 50,6 млрд сўм дебитор қарздорлиги мавжуд бўлиб, ундирув ҳаракатлари олиб борилмоқда.
Изоҳ (0)