Ўзбекистонда ҳозирги вақтда истеъмолчиларнинг сувдан дебитор қарздорлиги 954 миллиард сўмни ташкил этиши маълум қилинди.
Бу ҳақда АОКАда ўтказилган брифингда “Ўзсувтаъминот” АЖ ахборот хизмати раҳбари Акмал Муродов хабар берган. Ушбу қарздорликнинг 767 миллиард сўми жисмоний истеъмолчиларга, 186 миллиард сўм қарздорлик юридик истеъмолчиларнинг ҳиссасига тўғри келяпти.
Жорий йил январь ойи ҳолатида дебитор қарздорликни қисқартириш бўйича судларга жами 13,6 миллиард сўмлик даъво аризалари киритилди. Республика бўйича судларга энг кўп даъво аризалари Тошкент шаҳри ва Самарқанд вилояти сув таъминоти корхоналари томонидан чиқарилган.
“Ўзсувтаъминот” АЖ ва ҳудудий сув таъминоти корхоналари томонидан жорий йил бошидан буён ўтказилаётган махсус тадбирлар давомида 696 та қоидабузарлик ҳолатлари аниқланиб, жами етказилган зарар 5,5 миллиард сўмни ташкил этади.
Изоҳ (0)