Тошкент шаҳри ҳокимига ўринбосарлар тайинланди

Тошкент шаҳри ҳокимига икки нафар ўринбосар тайинланди. Бу ҳақда пойтахт ҳокимлиги матбуот хизмати хабар берди.

Бахтиёр Хайдаров ҳокимнинг молия-иқтисодиёт ва камбағалликни қисқартириш масалалари бўйича биринчи ўринбосари лавозимига тайинланди.

У тайинловга қадар Президент администрацияси Ижтимоий соҳада муҳим ташаббусларни ишлаб чиқиш бошқармаси бошлиғи лавозимида ишлаган.

Санжар Таджиев пойтахт ҳокимининг туризм, маданият, маданий мерос ва оммавий коммуникациялар масалалари бўйича ўринбосари лавозимига тайинланди.

Шу кунга қадар Тҳе Моб МЧЖ да бош директор лавозимида ишлаган.

3 июнь куни президент раислигида ўтказилган видеоселектор йиғилишида Тошкент шаҳри ҳокимининг туризм масалалари бўйича ўринбосари Ф.Давруков лавозимидан озод этилган эди. Шунингдек, бош вазирга туризм бўйича ҳар бир ҳоким ўринбосари ишига баҳо бериш топширилган.