Россия Украинанинг энергетика инфратузилмасини навбатдаги йирик ҳужумга дучор қилди. Бу ҳақда Украина энергетика вазири Герман Галушенко маълум қилди.
Украиналик вазирга кўра, зарбалар мамлакатнинг бешта вилояти: Запорожье, Днепропетровск, Донецк, Кировоград ва Ивано-Франкивскдаги объектларга қаратилган. Галушенконинг постида ушбу ҳужум оқибатлари ҳақида очиқланмаган.
Айни вақтда, Кировоград вилояти ҳарбий бошқармаси раҳбари Андрей Райкович тақдим этган дастлабки маълумотларга кўра, вилоят ҳудудидаги энергетика объектига зарба бериш натижасида қурбонлар йўқлигини ёзган. РФ армиясининг нишонига айланган объект номи келтирилмаган.
Шунингдек, Украина ҚК Ҳарбий-ҳаво кучлари матбуот хизмати Россия қўшинлари 1 июнга ўтар кечаси Украинанинг турли минтақаларидаги муҳим инфратузилма объектларига ҳаводан кучли ракета зарбалари берганини маълум қилган.
Украина армияси маълумотларига кўра, ушбу ҳужум учун жами 53 та турдаги ракеталар ва 47 та ҳужумчи дронлар ишлатилган. Россиянинг Саратов вилоятида Ту-95 МС стратегик бомбардимончи самолётларидан 35 та Кҳ-101/Кҳ-555 қанотли ракеталари учирилган. Аннексия қилинган Қрим ҳудудидан яна 4 та “Искандер-М” баллистик ракетаси ва битта “Искандер-К” қанотли ракетаси; Қора денгизнинг шимоли-шарқий қисмидан 10 та Калибр қанотли ракеталари учирилган.
Изоҳ (0)