Ҳиндистон тарихидаги энг иссиқ об-ҳаво тўлқинини бошдан кечиришда давом этар экан, ҳарорат 50 даражадан юқори бўлиши оқибатида камида 18 киши ҳалок бўлди.
Жумладан, Шарқий Одиша ва Бихар штатларида ўн ва етти киши, Деҳлида эса бир киши ҳалок бўлди.
Бир қанча йўловчилар жазирама ҳаво туфайли аэропорт ҳудудида ҳушдан кетди, дея хабар беради The Independent.
Air India авиакомпаниясининг Сан-Францискога учаётган рейси 20 соатга кечиктирилди, чунки баъзи йўловчилар саккиз соатлик кечикишдан сўнг парвозни кутаётганда ҳушдан кетишди. Хабар қилинишича, самолётда кондиционер бўлмаган.
Штат маъмурлари ўлим сабаблари ўрганилаётганини айтишди, аммо бунга иссиқлик тўлқини сабаб бўлган деб тахмин қилишмоқда.
“Штат иссиқ тўлқинни бошдан кечираётгани сабабли биз ўлимга иссиқлик билан боғлиқ касалликлар сабаб бўлиши мумкин, деб тахмин қиляпмиз”, деди маҳаллий шифохона бошлиғи Судхарани Прадхан.
Изоҳ (0)