Колумбия шимолида кўприкнинг бир қисми ўпирилиши оқибатида тўрт киши ҳалок бўлди.
Бу ҳақда Атлантико департаменти губернатори Эдуардо Верано де ла Роса Х ижтимоий тармоғидаги саҳифасида маълум қилган.
Унинг қайд этишича, ҳодиса натижасида яна уч киши жароҳатланган.
![](/static/2024/06/01/koprik--ABPSz0A.jpg)
“Биз Соледад мери ва табиий офатларнинг олдини олиш вазири ўринбосари билан биргаликда Барранкилёни Соледад билан боғлайдиган кўприкнинг бир қисми ўпирилган жойдамиз”, — деб ёзди губернатор.
Воқеанинг бошқа тафсилотлари ҳозирча маълум қилинмаган.