Шоу-бизнес оламига кириб келадиган шахсларнинг ҳисобида албатта мўмайгина пул бўлиши лозим, деб ҳисобланади. Аммо бугунги қаҳрамонларимиз машҳур бўлгунга қадар қашшоқлик билан узоқ вақт курашиб келган. Эндиликда уларнинг қасрдек уйлари, барча шароитлари муҳайё. Қуйида бир вақтлар бошпанасиз қолиб кетган, бугун эса катта ҳурмат ва эътиборга сазовор бўлган машҳурларнинг илҳом берувчи ҳикоялари билан танишамиз.
Ҳолли Берри
Актрисалик фаолиятининг дастлабки йилларида Берри турли бошпаналарда жон сақлаган. 20 ёшдан ошганида ижарада яшай бошлаган. У ўтган мураккаб давр учун миннатдор эканлигини ва қийинчиликлар актрисада кучли характер шакллантирганини таъкидлади.
Reader’s Digest нашрига берган интервьюда Берри ўтмишни ёдга олиб:
Бу давр ўзимга қандай ғамхўрлик қилишни ва ҳар қандай вазиятдан омон қолиш мумкинлигини ўргатди, — дейди.
Жим Керри
Жим Керри Insidе the Аctоrs Studio телеканалига берган интервьюсида оиласининг молиявий қийинчиликлари ҳамда болалигида олган тарбиясидаги мураккабликлар ҳақида шундай деди:
Биз оиламиз билан фургонда яшардик. 15 ёшимда мактабни ташлаб, оиламга ёрдам бериш учун фаррош бўлиб ишлаганман.
Келли Кларксон
American Idol номи билан машҳур бўлишдан аввал Келли Кларксон шоу-бизнесга эндигина кириб келган ёш актриса эди. Карьера қуриш учун Лос Анжелесга кўчиб келган Келлининг квартираси фожиали тарзда ёниб кетди. Шаҳарда бирор дўсти ёки қариндоши бўлмагани учун у машинасида бир неча ҳафта яшашга мажбур бўлган.
Сильвестр Сталлоне
Машҳур актёр бўлиш орзусида бўлган Сталлоне уч ҳафта автобус бекатида яшаб, иш топиш имкониятларини интиқлик билан кутган. Унинг ташқи кўриниши кўплаб режиссёрларга ёқмас, кастингларда муваффақиятсизликка учрарди.
Умидсизликка тушган бўлажак актёрга катталар учун фильмда суратга тушиш таклифи берилди. Кунлик 100 АҚШ доллари ҳақ тўланадиган бу ишга Сталлоне истамайгина рози бўлди ва бир неча кундан сўнг ишлаган пулига бошпана топди.
Стив Ҳарви
Биринчи рафиқаси билан ажрашгандан сўнг Ҳарви молиявий жиҳатдан чекланиб қолган эди. Машҳур ток-шоу бошловчиси фақатгина кўрсатув сёмкалари бўладиган вақтда меҳмонхонада қолишга имкони бўлар, бошқа кунлари эса машинасида ухлашга тўғри келарди.
People нашрининг маълумотларига кўра, телебошловчи шу тариқа уч йил умрини ўтказган ва кейинчалик молиявий муаммолардан халос бўлган.
Женнифер Лопес
Лопес шоу-бизнесдаги фаолиятини раққосаликдан бошлайди. Бегона шаҳарга кўчиб келган ёш қизнинг бошпанаси бўлмагани учун, рақс студиясида уч ой давомида тунашга мажбур бўлади.
Илк машҳурликни Женнифер 1991 йилда Fly Girl рақс труппасидаги фаолияти орқали қўлга киритди. Гуруҳ In Living Cоlor номли телешоуда чиқиш қилгач Лопес ва бошқа раққосалар секин-аста халққа танила бошлади.
Стив Жобс
Машҳур Apple компаниясининг марҳум бош директори бир вақтлар дўстлари ётоқхонасининг полида ухлаган, газланган сув идишларини йиғиб сотган, ҳар якшанба куни черковдан бепул озиқ-овқат олиш учун узоқ йўл юрган.
Бу давр Стив учун оғир кечади, қийинчиликлар унда қатъият ва чидамлиликни шакллантирди. Жобснинг технология империяси уни миллиардерга айлантирди.
Даниэль Крейг
Жеймс Бонд сифатида машҳур бўлишдан аввал актёр бир вақтлар ўсмирлик йилларини Лондондаги парк скамейкаларида ухлаб ўтказган. Илгари кино саноатига кириб келишда муаммоларга дуч келган актёр, ҳозирда турли таклифларни рад этиб келмоқда.
Изоҳ (0)