Бир қанча машҳур актёр, спортчи, мусиқачи ва сиёсатчилар ҳаётдаги севимли машғулотини топишдан аввал тиббиёт йўналишида таълим олган ва ишлаган. Аммо ижодга берилиб кетиб, улар медицинани тарк этишга қарор қилган. Қуйида тиббий билимлар олган ва кейинчалик бошқа соҳада машҳурликка эришган юлдузларни ёдга оламиз.
Тина Тёрнер
“Рок-н-ролл қироличаси” ва 60 йиллик карьерага эга хонанда Тина Тёрнер юзлаб хитлар муаллифидир. У миллионлаб альбомлари сотилган ва ижодий танаффусдан сўнг ўз мавқейи ва машҳурлигини қайта тиклай олган камёб хонандалардан эди. Қўшиқчилик карьерасини бошлашдан олдин АҚШнинг Миссури штатидаги Барнес-Жеwиш касалхонасида ҳамшира ёрдамчиси бўлиб ишлаган.
Грэм Чепмен
Британиялик актёр, комик ва ёзувчи сифатида танилган Чепмен узоқ йиллар давомида Моnty Python номли комедия ижодий гуруҳининг аъзоси бўлиб ишлаган. Аввалроқ у Эммануэль коллежи, Кембриж ва Сент-Бартоломей касалхонаси тиббиёт коллежини тугатгандан сўнг бир неча йил шифокорлик қилган. Бироқ у охир-оқибат комедия соҳасида карьерасини давом эттиришга қарор берган.
Женнифер Стоун
“Вейверли Плейсдаги сеҳргарлар” фильмида ролни ижро этган Стоун ёшлигига қарамай қанд касаллигига чалиниб қолди. Касалликни яхшироқ тушуниш мақсадида ва унга қарши узоқ курашгани туфайли Женнифер тиббиёт йўналишини танлади ва 2020 йилда университетни тугатиб, ҳамшира бўлиб ишлай бошлади.
Лиза Кудроу
Америкалик актриса ва продюсер, “Дўстлар” ситкоми орқали машҳурликка эришган Лиза Валери Кудроу шоу-бизнесда карьерасини давом эттиришдан аввал психобиология бўйича таҳсил олган. У Нью-Йоркдаги Вассар коллежини тугатгач, отаси билан илмий тадқиқот олиб боришни режалаштиради. Бироқ у театр труппасида Мен Конан O’Брайенни учратиб қолди ва ҳаёти бутунлай ўзгариб кетди.
Эрнесто Че Гевара
Эрнесто Гевара де ла Серна — аргентиналик инқилобчи, 1959 йилги Куба инқилоби команданти ва Куба давлат арбоби. У Буэнос Айрес миллий университетининг тиббиёт факультетини тамомлаган.
Бонни Ҳант
Америкалик актриса ва комик, продюсер ва телебошловчи Бонни Ҳант “Жуманжи”, “Фақат сен”, “Бетҳовен” каби фильмлар орқали халққа танилган. Суратга тушишдан аввал у онкология бўлими ҳамшираси бўлиб ишлаган. 1980 йилларда Ҳант Чикагодаги Шимоли-ғарбий Мемориал касалхонасида ишлаган ва тушлик танаффус пайтида “Ёмғир одам” фильми учун кастингдан ўтган.
Пау Газоль
Ота-онасининг изидан бориш мақсадида Пау Газоль Барселона университетининг тиббиёт факультетига ўқишга кирди. Бироқ ўқиш бошланиши биланоқ ўзининг баскетбол карьерасига қадам қўйди ва спорт билан профессионал шуғулланиш учун университетни тарк этди.
Жули Уолтерс
Британиялик актриса Жули Уолтерс етти карра BAFTA ва “Олтин глобус” мукофоти совриндори бўлган. 18 ёшли Жули Уолтерс икки йил ҳамшира бўлиб ишлаган, сўнг актёрлик фаолиятини бошлаш учун тиббиётни тарк этган. У Гарри Поттер ҳақидаги фильмларда Молли Уизли — Рон ва Женни Уизлининг онаси роли билан танилган.
Изоҳ (0)